Засгийн газрын Барилга, хот байгуулалтын сайдаар томилогдсон Э.Бат-Амгалан мэдээлэл өглөө.

Тэрбээр “Засгийн газрын мөрийн хөтөлбөрийн дагуу ажлаа үргэлжлүүлээд явна. Төрийн алба залгамж халаатай байх ёстой. Миний хувьд Улаанбаатар хотод төрж, өссөн. Би төрийн албанд анхан шатнаас нь буюу хороо, дүүргээс эхлээд ажилласан. Бүх л салбарт ажилласан, тэр дундаа барилга, дэд бүтэц, инженерчлэлийн салбарт ажиллах боломж бололцоотой гэж удирдах зөвлөлөөс нэр дэвшүүлэх санал тавьсан. Одоо чуулганд оролцох гэж байна. Төрийн ажлыг сайн хийгээрэй, нийгмийн асуудал хүндрэлтэй байгаа энэ үед сайн ажиллахыг Ерөнхийлөгч захисан. Улаанбаатар хотод барилга барихад усны хангамж боломжийн байгаа. Цэвэрлэх байгууламж удахгүй ашиглалтад орно. Дулаан, цахилгааны эх үүсвэр дутагдалтай байгаа. Холбогдох яам, Улаанбаатар хотынхонтой нягт хамтарч ажиллах боломжтой гэж үзээд намайг нэр дэвшүүлсэн байх. Сайдын ажил гэдэг ачааны хүндийг үүрдэг. Нам болон сонгогдсон тойрогтоо нэр хүндтэй хүмүүсийг МАН-аас нэр дэвшүүлсэн гэж бодож байна. Сайдын алба бол ямбаны ажил биш ачаа үүрэх, ард иргэдийнхээ төлөө ажиллах хүн.