Шинэ Засгийн газрын Эрчим хүчний сайдаар улиран сонгогдсон Б.Чойжилсүрэн мэдээлэл өглөө. Тэрбээр “ТЭЦ-3 цахилгаан станц дээр зургадугаар сарын 20-ны өдөр осол гарсан. Тус асуудлыг хуулийн байгууллага шалгаж байгаа. Цахилгааны хувьд 2025, 2026 оны өвлийн оргил ачаалалтай үед засвар хийж амжихгүй. Таван мвт дутагдалд орно. Үүнийг бусад эх үүсвэрээс шийдэх шийдэл хайж байна. Дулааны тухайд ТЭЦ-3 станцын дулаан, цахилгаан хослон үйлдвэрлэдэг горимд ажилладаг. Дулааны зуух гэмтээгүй байгаа учраас энэ өвөл зөвхөн дулаан үйлдвэрлэдэг горимд шилжүүлнэ. Дулааны хувьд асуудал гарахгүй. Өөрийгөө сайн, муу ажилсан гэж дүгнэх нь ёс зүйгүй гэж бодож байна. 2026 оны гуравдугаар сарын 19-ний өдрийн Засгийн газрын тогтоолоор эрчим хүчний салбарын төрийн өмчийн компаниудын 66 хувийн хувьцаа эзэмших эрхийг Эрчист монгол компанид шилжүүлсэн. Энэ шийдвэрийг гаргуулахгүй байх тал дээр хөөцөлдсөн боловч харамсалтай нь энэ шийдвэр гарсан. Зургадугаар сарын 10 хүртэл эрчим хүчний салбарын төрийн өмчит компаниудын менежментийн эрхийг "Эрчист монгол" компани хэрэгжүүлсэн. Зургадугаар сарын 4-ний өдөр "ТЭЦ-3" цахилгаан станцад гарсан ослын талаар "Эрчист монгол" компани танилцуулсан. Зургаан сарын 10-нд Эрчим хүчний сайд эрчим хүчний байгууллагуудын менежментийг хариуцах шийдвэрийг Засгийн газраас гаргасан. Ойрын хугацаанд хоцрогдлыг нөхөхөөр төлөвлөгөө гаргаад ажиллаж байна. Сүүлийн гурван өвөл тодорхой хэмжээний хүндрэлтэй нөхцөл байдлыг бид даван туулж байгаа. Дахиад 2025, 2026 онуудад иймэрхүү байдлаар явах байх. 2027 оны зургадугаар сарын 30 гэхэд эрчим хүчний салбар өөрийн хэрэглээг даваад, нийлүүлэлт эх үүсвэр нь давж гарна. Эвдэрсэн турбаг засах нь утгагүй шинээр сольж тавина" гэв.