Ерөнхий сайд Г.Занданшатар өчигдөр ИЗНН-д Засгийн газарт хамтрах ажиллах санал тавьсан билээ. Тэгвэл энэ талаар ИЗНН-ын дарга Б.Батбаатар мэдээлэл өглөө.

Тэрбээр “Өнөөдөр Улс төрийн зөвлөлийн хурал зарлагдсан байгаа. Энэ хурлаар ирсэн саналын тухай хэлэлцэж шийдвэрлэнэ. Улс төрийн зөвлөлийн гишүүд өөр өөрсдийн өнцгийн гаргаж ярилцаж, хамгийн зөв шийдвэрийг гаргах ёстой учраас эхлээд байр сууриа илэрхийлэх нь буруу гэж бодож байна. МАН улс төрийн шийдвэрээ гаргаж энэ шийдвэрээ бусад намуудад илэрхийлсэн байна. ИЗНН болон бусад намууд хамтарвал ямар түвшинд хамтрах юм, ямар үндсэн дээр нэгдэх ёстой гэдэг дээр анхаарна. Хамтарвал парламентын ардчиллыг хадгалах, бэхжүүлэх, цаашид тогтвортой байлгахыг үндсэн сууриа болгоно гэж бодож байна. Хуулиар МАН-ын 68 гишүүн Засгийн газраа бүрэлдүүлээд явах боломжтой гэхдээ МАН дангаараа Засгийн газар байгуулсан тохиолдолд бодлого нь УИХ-ыг давах уу ,давахгүй юу гэдэг дээр анхаарч байна гэж харж байгаа. УИХ-ын гишүүн дэд сайд хийх нь Монголд тохирохгүй зүйл. ИЗНН 25 жилийн түүхтэй нам, хангалттай боловсон хүчин байгаа” гэв.