Боловсролын яамнаас элсэлтийн ерөнхий шалгалттай холбоотой асуудлаар мэдээлэл хийлээ. Энэ талаар Боловсролын үнэлгээний төвийн хэлтсийн дарга С.Гэндэнжамц мэдээлэл өглөө. Тэрбээр “Энэ жил 43 мянга орчим шалгуулагч шалгалт өгөхөөр бүртгүүлсэн байна.

Элсэлтийн ерөнхий шалгалт энэ сарын 18-21-ны хооронд зохион байгуулахаар бэлтгэл ажлаа хангаад явж байна. Мөн  улсын хэмжээнд 50 шалгалтын төвийг бэлдсэн байгаа.

Элсэлтийн шалгалт нь аль ч улс оронд хариуцлага өндөртэй шалгалт болдог. Өөрөөр хэлбэл, мэргэжил сонголтын хамгийн чухал үе. Үүнээсээ болоод хүүхдүүдийн сэтгэл зүй тогтворгүй, айдас зовнилтой болдог гэдэг судалгаа гарсан. Энэ нөхцөл байдлаас урьдчилан сэргийлэхийн тулд шалгуулагч нэг цагийн өмнө шалгалтын байранд очиж, арван минутын өмнө суудалдаа суусан байхыг зөвлөж байна. Шалгуулагчдын хамгийн түгээмэл гаргадаг алдаа бол хариултын хуудсыг бөглөхдөө зөрүүлж бөглөх тохиолдол их байдаг. Тиймээс анхааралтай, яарч, сандрахгүй хийхийг анхааруулж байна

 Мөн 10,11 дугаар ангийн шалгуулагчдын хувьд монгол хэл бичгийн шалгалт өгөх эрх нээгдсэн. Энэ шалгалт нь 12 дугаар ангидаа тулж очоод өгөхөөс илүүтэй наана нь урьдчилж өгөх давуу талтай болсон” гэв.

Танилц: 2025 оны элсэлтийн шалгалтын хуваарийг танилцуулж байна.

2025 оны зургадугаар сарын 18

10:00-11:20 Түүх

14:00-15:20 Англи хэл

2025.06.19

10:00-11:40 Хими

13:00-14:20 Газар зүй

16:30-17:50 Нийгэм судлал

2025.06.20

10:00-11:20 Биологи

14:00-15:40 Математик

2025.06.21

10:00-11:40 Физик

13:00-14:20 Орос хэл

16:00-17:20 Монгол хэл

С.Оюун-Эрдэнэ