Наадам оролцох тусгайлан сургасан 18 морьд энэ сарын 7-нд алдагдсан. Хулгайд алдагдсан 18 морийг Сонгинохайрхан дүүргийн нутаг дэвсгэрт байрлах мал бойны газар төхөөрсөн нь тогтоогдсон. Энэ хэргийг 18-29 насны зургаан залуу үйлдсэн байж болзошгүй байгаа талаар бид мэдээлсэн. Алдагдсан 18 морины  эзэн монголын үндэсний морьт харвааны үүсгэн байгуулагч Б.Болдбаатар мэдээлэл өглөө.

    Тэрбээр “Маш харамсалтай үйл явдал боллоо. Энэ аргамаг хүлэг бол бидний найз нөхөд, ахан дүүсээс ялгаагүй байсан.  Арай ч ийм хурдан бүгдийн махалчих нь гэж бодоогүй. Энэ морьдын дунд олон улсын тэмцээний аваргууд унаж уралдсан сайхан хүлгүүд байсан. Манай морьд Монгол Улсын өв соёл, уламжлалыг хөгжүүлэхээс гадна Монгол Улсын төрийн их наадам, монголын түүхэнд бичигдэж үлдсэн олон сайхан кино урлагт хүчин зүтгэж байсан.

        Шөнө морьдынхоо цустай толгойг зүүдлээд сүүлийн гурван шөнө унтаж чадаагүй. Энэ хүлгүүд Монголын үндэсний морьт харвааны нэгдсэн холбооны ууган хүлгүүд буюу “Намнаа академи”-ийн “дайчид”-ын морьд. Гэхдээ энэ морьдыг эмнэг, догшин байхаас нь сургасан. Морьдыг минь хөөж яваа бичлэгийг харах болгондоо уйлаад байсан.  Цагдаа нар “Та тайван байж бай” гэсэн. Миний хувьд арав орчим жил цагдаагийн тусгай хүчинд алба хааж байсан. Эрүүгийн цагдаагийн малын хулгайтай тэмцэх хэлтэс, Хан-Уул дүүргийн цагдаагийн хэлтэс маш шуурхай хэлтэс маш шуурхай ажиллаа.

           GPS-ийн салгаж, зүг буруулсан байна. Морьдыг нуусан байсан шугуй руу бид тэр өдөр очсон. Тэр шөнө залуучуудтайгаа төлөвлөгөө боловсруулж, таван машинаар хайсан. Наймдугаар сард дэлхийн аварга шалгаруулах 17 дах тэмцээн Монголд болно Энэ тэмцээнд монголын шигшээ багийн тамирчид болон дэлхийн шилдгүүд унах ийм сайхан хүлгүүд байсан. 2010 онд Өмнөд Солонгос Улсад төвтэй дэлхийн морьд харвааны соёл ЮНЕСКО-д бүртгэгдсэн. Монголчууд бид дэлэн дээр дэлхийг эзэлж явсан гэж худлаа цээжээ дэлдэхээс цаашгүй. ЮНЕСКО-д гомдол гаргасан. Монголд ирж үзээд, “морьд харваачид танайд байдаггүй юм байна. Тухайн улс орон энэ өв соёлоо тээж байх ёстой байдаг. Танайд зөвхөн газраас харвадаг хүмүүс байдаг” гэсэн.

       Энэ үеэс би өөрийгөө бэлдэж, 2010 оны арван сарын 15-нд Япон Улсад зохион байгуулсан олон улсын тэмцээнд оролцож аварга болж,  Монголын үндэсний морьд харвааны холбоог үүсгэн байгуулсан. Одоо манайд арван клуб, 100 гаруй залуу энэ спортоор хичээлдэг. Тэр хулгайч манайхан дотор байгаа. Яармаг, Нисэхийн эцсээр хулгай дээрэм хийдэг хүүхдүүдийг олж сонгож, морьд харваанд сургаж, энэ сайхан өв соёлоор дамжуулж сайн сайхан амьдруулан гэж мөрөөдөж явдаг байлаа. Энэ хэрэгт манай хулгайч дээрэмчин хүүхдүүд оролцсон гэдэгт эргэлзэхгүй байна. Шавь нар минь та нар даанч дээ. Морь бол олдоно. Гэхдээ анд найз, ахан дүүсээр минь ялгаагүй болсон хүлгүүдээ үхсэн байхыг үзэх ямар аймар юм бэ. Цагдаа нар бид нарт морьдын цустай толгой, махны зургийг үзүүллээ. Нулимсаа барьж дийлэхгүй байна.

    Монголын ард түмэн мориндоо хайртай байдаг. Молор эрдэнийн хийморь монгол түмнийг минь ивээж явтугай. Гэм буруутай хүмүүс ялаа эдлэх байх. Маш их мөнгөний баян хүмүүс байна. Та нарын морьдыг төлөөд өгнө гэж хэлсэн байна. Шавь нар минь уйлаад ярьж байна. Уйлж байгаа шавь нараа харахаар зүрх өвдөж байна. Тэр хулгайч “Намнаа академи”-ийн үүсгэн байгуулагч Н.Алтанхуяг багшийн унадаг, зуун метр замыг зургаан секундэд туулдаг буурал хээр морьтой, морьдыг хөөж явсан бичлэг нь байгаа. Хулгайч хоёрын морин дотор хамгийн хурдан нь аль вэ гэдгийг мэддэг хүн байсан” гэв.