Улсын онцгой комиссоос арванхоёрдугаар сард гурван удаагийн тусгай үүргийн нислэг хийх урьдчилсан шийдвэр гаргасан. Арваннэгдүгээр сард цуцлагдсан нислэгүүдэд нэрс нь баталгаажсан  иргэдийг энэ сарын гурван удаагийн  нислэгт тэргүүн ээлжид хамруулахаар төлөвлөж байгаа гэж мэдэгдсэн.

Австралиас өнгөрсөн сард Токио, Сөүлээр дамжин нисэхээр 84 иргэний нэрс баталгаажин Австралиас Токио, Сөүл хүртэлх тийзүүдээ авсан байсан. Австрали дахь Монгол Улсын Элчин сайдын сайдын яам арванхоёрдугаар  сард Токио, Сөүлийн хоёр нислэгт дээрх 84 хүнээ багтаан нисгэхээр УОК-той ярьж байна. Дээрх хотуудаас эх орондоо буцах иргэд олон буй тул транзит байдлаар хичнээн иргэн авахыг бидэнд хараахан мэдэгдээгүй. Австралиас аль болох олон хүнийг нисгэх квот авахаар ажиллаж байна.

Эх сурвалж: Австрали дахь Монгол Улсын ЭСЯ