Эрүүл мэндийн яамнаас коронавирусийн тархалтын талаарх ээлжит мэдээлэл хийлээ.

Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “Өчигдөр таван хүний шинжилгээнд коронавирус илэрлээ. Сэлэнгэ аймагт гурав, ХӨСҮТ-ийн хоёр ажилтнаас тохиолдол илэрсэн. Ингээд дотоодын халдвар 443 болж, Монгол Улсад коронавирусийн тохиолдол 893 боллоо. Өнгөрсөн 24 цагийн хугацаанд голомт гарсан аймгуудад шинэ тохиолдол бүртгэгдээгүй. Улаанбаатар хотод 128, Дархан-Уул аймагт 45, Дорноговь аймагт 31, Орхон аймагт 25, Говьсүмбэр аймагт дөрөв, Сэлэнгэ 207, Архангай аймагт гурван тохиолдол байна. Үүнээс 384 хүн буюу нийт тохиолдлын 43 хувь нь эдгэрч, гэрийн хорионд 13 хүн, ажиглалт, тандалтын судалгаа дууссан 320 байгаа бол 500 батлагдсан тохиолдол эмчлэгдэж байна. Мөн Сэлэнгэ аймгийн нэгдсэн эмнэлэгт 12 хүн эмчлэгдэж байна”  гэлээ.