Боловсрол, шинжлэх ухааны яам, мэргэжлийн байгууллагтай хамтран оюутнуудыг арванхоёрдугаар сарын 5-наас эхлэн тодорхой хуваарийн дагуу "COVID-19"халдварын “PCR” шинжилгээнд хамруулж байна. Өнөөдрөөс их, дээд сургуулиудын дотуур байранд суудаг оюутнуудыг хамруулж эхэллээ. 100-аас дээш оюутантай 31 дотуур байрны шинжилгээг байранд нь нэгдсэн зохион байгуулалтаар авч байна. Харин түүнээс доош тооны оюутан суудаг дотуур байрны болон байрнаас гадуур амьдардаг оюутны шинжилгээг дүүрэг тус бүрт бэлтгэсэн 20 цэгээр авч байгаа юм.

БШУЯ болон их, дээд сургуулиас 140 гаруй ажилтан, албан хаагч шинжилгээг зохион байгуулах багт ажиллаж, нэг дор хэт ачаалал, бөөгнөрөл үүсгэхгүй халдвар хамгаалал, хорио цээрийн дэглэмийг сахин мөрдүүлж байна. Шинжилгээнд хамрагдах хуваарь, зарлалыг сургуулийн веб хуудас, оюутны холбоодын фэйсбүүк хуудсаар дамжуулан түгээхээс гадна шинжилгээнд хамрагдах шаардлагатай оюутнуудын гар утсанд мэссежээр илгээжээ. Шинжилгээнд 30 мянга орчим оюутан хамрагдаж, ойрын өдрүүдэд орон нутаг руугаа явахаар тооцоолж байгаа аж