БНСУ-ын Аэробикийн холбооноос энэ сарын 06-07 –ны өдрүүдэд зохион байгуулж буй Аэробик гимнастикийн онлайн тэмцээнд 25 орны 400 гаруй тамирчид өрсөлдөж байна. Энэхүү тэмцээнд манай улсаас МУБИС-ийн БТС-ийн Гэйнер баг, ҮБТДС-ийн баг, СБД-ийн Өсвөрийн Лайт багийн тамирчид, Дасгалжуулагчаар Э.Мөнх-Оргил, Г.Болортулга, Шүүгчээр ОУ-ын шүүгч Б.Оюун, ОУ-ын шүүгч Э.Мөнх-Оргил нар оролцож байна.

Өнөөдрийн тэмцээнд Өсвөрийн 9-11 насны ангиллын хосын төрөлд тэргүүн байрт А.Чингүүн, Э.Тэлмүүн 16.100 оноогоор шалгарсан бол хоёрдугаар байрт Д.Өнөболд, Т.Эгшиглэн 15.000 оноогоор мөнгөн медаль, гуравдугаар байрт Э.Эрхэс, Х.Хан-Ихээ 14.300 оноогоор хүрэл медаль хүртжээ. Насанд хүрэгчдийн ангиллын Аэробик бүжгийн төрөлд нэгдүгээр байрт БНХАУ-ын баг 16.850 оноогоор алтан медаль, хоёрдугаар байрт МУ-ын ҮБТДС-ийн баг 15.500 оноогоор мөнгөн медаль тус бүр хүртсэн байна.