УИХ-ын чуулганы өнөөдрийн нэгдсэн хуралдаанаар Үндсэн хуульд нэмэлт, өөрчлөлтийн төслийн эцсийн хэлэлцүүлгийг хийж байна.

 Энэ үеэр УИХ-ын гишүүн Н.Энхболд “Үндсэн хуулийг дахиж оролдох, оролдохгүй байх асуудал хаана ч сэдэв болж, өөрчлөлтийг хэлэлцэж байхад яригдаагүй. Тиймээс ажлын хэсгийн өмнөөс би дур мэдэн хариулах боломжгүй. Хувь хүний байр сууринаас саналаа хэлэхэд дахиад ойрын хугацаанд Үндсэн хуульд нэмэлт, өөрчлөлт оруулах тухай яригдахгүй байх. Нийгмийн уур амьсгал ямар байгаа билээ. Бид үүнийг бодох хэрэгтэй. Намуудын хариуцлага, төлөвшлийн асуудал үлдэж байна” гэв.