Үндсэн хуульд нэмэлт, өөрчлөлт оруулах хуулийн төслийг УИХ-ын нэгдсэн чуулганаар хэлэлцэж байна.

 Энэ үеэр УИХ-ын гишүүн Б.Энх-Амгалан “Иргэд сонгогчидтой уулзаж, саналыг нь сонслоо. Иргэдийн санал хүсэлтийн бичиж, авчраад намын бүлэг болон Үндсэн хуульд нэмэлт, өөрчлөлт хийх ажлын хэсгийнхэнд танилцуулсан. Иргэд “Өмнө нь Үндсэн хуульд өөрчлөлт оруулахдаа найман жил гар хүрэхгүй гэж хэлээд байгаагүй бил үү. Дан дээл, давхар дээлийн асуудал ярьж, Үндсэн хууль одоо асуудалгүй болсон. Өмнө нь гарсан алдаа бүр засагдсан гэж ярьсан биз дээ. Одоо юу яриад дахиад 152 гишүүнтэй болохоор яриад ирэв” гэж хэлсэн. Тэгээд 152 гишүүнтэй болохыг зөвшөөрөөгүй. Мөн “Дахиад ингэж Үндсэн хуулийг оролдох уу, дахиад нэг юм орхичихсон байна гээд өөрчлөх үү, ингэхгүй байх баталгаа юу байна” гэж асуусан. “Үндсэн хуулиараа дахин, дахин оролдож байгаад улс орныхоо аюулгүй байдал,тусгаар тогтнол, төрийн тогтолцоог эвдэх вий дээ. Тооны бэлгэдэл ярьж, 76 тийм онцгүй тоо гэж үзэж байгаа бол гишүүний тоогоо 88 болгох хэрэгтэй. Шүтлэгтэй холбож ярьж байгаа бол 99 болго. Тэрнээс дээш гишүүнтэй болох гэж багаа бол үндэслэлээ сайн тайлбарлаарай” гэж байна лээ. Нам биш хүнийг нь харж, санал өгч, дугуйлна гэдгийг санаарай гэж дамжуулсан шүү” гэв.