Дотуур байранд суудаг оюутнуудаас авах коронавирусийн илрүүлгийн шинжилгээг байранд нь нэгдсэн журмаар зохион байгуулах талаар БШУЯ-наас мэдээллээ.

Боловсрол, шинжлэх ухааны яам холбогдох мэргэжлийн байгууллагуудын хамтаар орон нутаг явах оюутнуудыг тодорхой хуваарийн дагуу "COVID-19"-ын PCR шинжилгээнд хамруулж буй. Нэгдсэн шинжилгээний эхний өдрүүдэд оюутны байрнаас гадуур амьдарч байгаа оюутнуудыг хамруулж эхэлсэн.

Үргэлжлүүлэн их, дээд сургуулиудын дотуур байранд суудаг оюутнуудыг хамруулах юм. Ингэхдээ дотуур байрны оюутнуудын шинжилгээг гадуур цэгүүдээр авахгүйгээр нэгдсэн журмаар дотуур байранд нь зохион байгуулах аж.