Өмнөговь аймгийн Ханхонгор сумын Дундцагаан гэх газраас өчигдөр буюу тавдугаар сарын 30-ны өдрийн 19:00 цаг орчимд 1.6 настай охин гэрээ гараад сураггүй болжээ. Улмаар цагдаагийн байгууллага, Онцгой байдлын байгууллага хамтран эрэн сурвалжлах ажил зохион байгуулж, охиныг өнөөдөр буюу тавдугаар сарын 31-ний өдрийн 09:40 минутад олж тогтоосон байна.

Охины ээж архины хамааралтай учир Өмнөговь аймгийн Хүүхэд, гэр бүл хөгжлийн төвийн түр хамгаалах байранд хамгаалалтад авч, эмчилгээний төв хүргэн биеийн байдлыг нь үзүүлж байгаа аж.