Өмнөговь аймгийн Ханхонгор сумын Жаргалант багийн нутаг Хотгорын голоос өчигдөр буюу тавдугаар сарын 30-ны 19:00 цагийн орчимд 1.6 настай хүүхэд алга болсон байдан. Энэ талаар тус сумын Засаг даргын орлогч Б.Нямдоржтой холбогдож тодрууллаа.

    Тэрбээр “Сураггүй болсон 1.6 настай хүүхдийг эсэн мэнд оллоо. Өнөөдөр 09:00 цагийн орчимд олж, эмнэлгийн байгууллагад хүлээлгэж өгсөн. Сураггүй болсон хүүхэд 14 цагийн турш гадаа байсан байна. Хөл нүцгэн гэрээсээ гарч, шөнөжин хээр байсан учраас бээрсэн байдалтай, бие нь сул байна. Гэрээсээ 7.5 километр зайтай газраас олдсон. Ар гэр нь архины хамааралтай, цагдаагийн хяналтад байдаг юм билээ” гэв.