Зургадугаар сарын цаг агаарын нөхцөл байдал ямар байх талаар цаг уурч Б.Жаргалангаас тодрууллаа. Тэрбээр “Баруун бүсийн аймаг болон Баян-Өлгий, Увс, Ховдын нутаг, Завханы баруун, Говь-Алтайн ихэнх нутаг болон Баянхонгорын өмнөд хэсгээр олон жилийн дунджаас дулаан, хур тунадас бага байх төлөвтэй. Зургадугаар сард төвийн аймгуудын нутгаар цаг агаарын температур болон хур тунадас нийт нутгаар олон жилийн дунджийн орчим байх төлөв гарсан байна. Зүүн бүсийн нутгаар тав, зургаа, долдугаар сард агаарын температур нийт нутгаар олон жилийн дунджийн орчим байна.

   Харин говийн аймгуудаар зургадугаар сар болон долдугаар сард дунджаас дулаан байна. Мөн зургадугаар сар, долдугаар сард ихэнх нутгаар дунджаас харьцангуй бага тунадас орох таагүй төлөв гарсан. Өнгөрсөн жил төв болон зүүн зүгийн нутгаар бороо хур элбэгтэй байсан бол энэ зун төв болон зүүн зүгийн нутгаар дунджийн орчим, баруун болон говийн бүс нутгаар бороо хур багатай, хуурай байх төлөв ажиглагдаж байна” гэлээ.