Монголын Үндэсний бөхийн холбооноос битүүний өдрийн барилдаанд дөрөв давсан 16 бөхийн допингийн шинжилгээний талаар мэдэгдсэн. Энэ үеэр допинг илэрсэн бөхийн талаар МҮБХ-ны тэргүүн Ц.Магалжав мэдээлэл өглөө.

    Тэрбээр “Монгол Улс допингийн эсрэг байгууллагад 2007 онд элссэн. Элсэн орсон ч журам батлуулаагүй учраас холбоод өөр, өөр шийтгэл өгсөн. Э.Оюунболдын асуудал дээр Спортын арбитр Үндэсний бөхийн холбооны гаргасан шийдвэрийг хүчингүй болгосон. Энэ нь тухайн байгууллагын бүрэн эрхийнхээ хүрээнд гаргасан шийдвэр. Харгалзан үзэх зүйл нь үндэсний журам батлагдаагүй байсан. Мөн 2021 оны 512 бөхийн барилдааны үеэр гарсан асуудал юм. Үүнийг үндэсний бөхийн холбооноос давтан хэрэглэсэн гэж үзсэн. 2021 оны тавдугаар сарын 30-нд Үндэсний бөхийн холбооны тэргүүлэгчид давтан допинг хэрэглэвэл найман жил барилдах эрхийг нь хасах журам гаргаж байсан” гэв.