Монгол Улсын Засгийн газрын ээлжит хуралдаан өнөөдөр боллоо. Засгийн газрын ээлжит хуралдаанаас гарсан шийдвэрийг талаар ЗГХЭГ-ын дарга Д.Амарбаясгалан мэдээлэл хийлээ.

Тэрбээр “Засгийн газар өнөөдөр нийт 35 асуудлыг хэлэлцэж шийдвэрлэлээ. Эмээлтийн аж үйлдвэрийн паркийг сайжруулах  Засгийн газрын шийдвэр албан ёсоор гарлаа. 2009 оноос хойш эмээлтийн аж үйлдвэрийг цогцолборыг байгуулах асуудлыг Улаанбаатар хот, Монгол Улсын Засгийн газар болон олон улсын байгууллагуудын хамтын ажлын хүрээнд судалж ирсэн байдаг. Үүний эхний зорилго нь Улаанбаатар хотод  үйл ажиллагаа явуулж буй арьс, ширний үйлдвэрийг хотоос гаргах, гол усны бохирдлоос урьдчилан сэргийлэх ажил хийгдэхээр яригдаж байсан. Өнгөрсөн арваннэгдүгээр сард энэ талын асуудлууд яригдаж, эмээлтэд илүү хэрэгжих боломжтой төсөл үү, Дархан хотын аж үйлдвэрийг цогцолборыг түшиглэн хийгдэх нь илүү зохимжтой юу гэдэг дээр олон талаар нь судлах үүрэг өгсөн байсан. Эмээлтийн үйлдвэрийг сонгосон шалтгааны хувьд олон улсын байгууллагын хийсэн судалгаагаар Улаанбаатар хот нийт 21 аймагтай автозамаар холбогдсон төв цэг болсон учраас хоттой ойрхон ажлын байр бий болгох нөхцөл хангагдана гэж үзсэн. Мөн агаарын тээврийн тасалбарын төлбөрийг хөнгөвчлөх ажил чухал байлаа. Иргэдийн худалдан авах чадварт нийцсэн үнээр нислэгийн тасалбар худалдан авах боломж нөхцөлийг хангах шаардлага байна. 2023 оны долдугаар сарын 1-ны өдрөөс эхлэн агаарын тээврээр зорчдог есөн аймгийн билетийн үнэ хямдарна. Жишээ нь, Баян-Өлгий аймаг руу нисэх хоёр талын  тасалбарын үнэ нэг сая 650 мянган төгрөг байсан бол бидний оруулсан саналаар 800 мянган төгрөгөөс доош үнээр тасалбараа авах боломж бүрдэнэ. Орон нутгийн нислэгийн үнийг одоо байгаагаас нь 50-70 хувь буурна гэсэн үг. МИАТ компанийг орон нутгийн нислэг үйлдэх боломжийг хангаж, ажиллана. Төрийн үйлчилгээний процессыг сайжруулах чиглэл дээр хувийн хэвлэлүүдтэй хамтран. Тэр дундаа банкны салбарын үйл ажиллагааг сайжруулах чиглэлээр ажиллана. Зургадугаар сарын 1-ээс есдүгээр сарын 1-нийг хүртэлх хугацаанд нэг яам хоёр агентлаг, нэг аймаг, нэг сумыг сонгож загвар болгохоор ажиллаж байна. Иргэн төрд аливаа асуудлаар хандахад тухайн иргэний хандсан асуудал нь өнөөдрийн байдлаар 5-6 шат дамжиж, асуудал шийдвэрлэгддэг. Энэ бол хүнд сурталтай байгаагийн илрэл. Засгийн газрын зүгээс иргэний хандсан асуудал ихдээ хоёр шат дамжлагаас илүүгүй байх зарчмыг барих загварыг гаргаж, ажиллаж байна” гэв.