Мал эмнэлгийн ерөнхий газраас байгалийн онц гамшигт үзэгдэл болсон Сүхбаатар, Хэнтий, Дорнод аймгийн Мал эмнэлгийн газартай яаралтай цахим хурал зохион байгууллаа.

            Чухал шаардлагатай асуудлыг судлан, ариутгал халдваргүйтгэлийн (үхсэн малын сэг зэмийн устгал) хэрэгцээнд шаардагдах нэг удаагийн халдвар хамгаалалтын хувцас, сүпер гел, хайкоп халдваргүйтгэлийн бодис, ариутгалын спирт /денатурат/ 17.8 сая төгрөгийн бодис хэрэглэгдэхүүн болон орон нутаг сумдад ажиллах шатахуун, томилолтын 20 гаруй сая, нийт 40.0 орчим сая төгрөгний яаралтай санхүүжилтийг олгож дэмжин ажиллалаа.

Энэхүү байгалийн гамшигт үзэгдлээр Хэнтий аймгийн хэмжээнд 61313 толгой, Сүхбаатар аймгийн хэмжээнд 59303 толгой нийт 120,6 мянган мал хорогдсон байна.