ШШГЕГ-ын харъяа Говьсүмбэр аймгийн 425 дугаар ангийн эргэлтийн байранд залуу хүмүүжигч эхнэрээ хөнөөж, дараа нь өөрийгөө боомилсон онц ноцтой хэрэг гарчээ. Энэ талаар албаны эх сурвалжаас тодруулахад “Ял эдэлж байсан хоригдол эргэлтээр ирсэн эхнэрээ хөнөөгөөд амиа хорлосон байж болзошгүй ноцтой хэрэг гарсан. Тодруулбал, энэ сарын 22-23-нд шилжих шөнө Шүүхийн шийдвэр гүйцэтгэх газрын харьяа 425 дугаар нээлттэй хорих ангид ял эдэлж байсан хоригдол нь 24 цагаар эргэлтэд гарсан бөгөөд эргэлтээр ирсэн эхнэрээ хөнөөгөөд өөрөө амиа хорлосон байж болзошгүй байдалтай олдсон байна. Тус хэргийг цагдаагийн байгууллагаас шалгаж байгаа” гэсэн юм.