“Эмоци” продакшны жүжигчин У.Цогтбаярт Хан-Уул дүүргийн Эрүүгийн хэргийн анхан шатны шүүхээс долоо хоногийн хугацаагаар баривчлах шийтгэл ногдууллаа.

Тодруулбал, жүжигчин У.Цогтбаяр нь өнгөрсөн сарын 28-ны өдөр согтууруулах ундааны зүйл хэрэглэсэн үедээ эхнэр З.Хүслэнгээ доромжилж, маргаан үүсгэн, өрөөний хаалга эвдэж танхайрсан. Мөн дөрөвдүгээр сарын 30-ны өдөр архидан согтуурч, тагтан дээрээс гарч, амиа хорлоно хэмээн гэр бүлийнхнээ айлгаж, модоор цонхоо хагалж, хадам ээжээ үгээр доромжлон танхайрсан зэрэг үйлдэл дээр нь үндэслэн 10 цагийн хугацаагаар албадан сургалтад хамруулж, долоо хоног баривчлах шийдвэр гаргасан байна.