Жүжигчин У.Цогтбаярыг архидан согтуурсан үедээ гэр бүлийн хүчирхийлэл үйлдсэн байж болзошгүй үндэслэлээр цагдаагийн байгууллагаас шалгаж байгаа. Түүнээс дээрх мэдээллийн талаар тодруулахад “Надад согтуурсан үедээ гэр бүлийн хүчирхийлэл үйлдэж, эхнэртэйгээ зүй бусаар харилцсан тохиолдол байхгүй. Намайг архидан согтуурч, бусдын амгалан тайван байдлыг алдагдуулсан гэх дуудлага, мэдээлэл цагдаагийн байгууллагад өгсөн хүн байхгүй. Удаа дараа намайг учир битүүлэг байдлаар гүтгэж байгаад гайхаж байна. Байцаалт авдаг цагдаа нь хүртэл гайхаад л өнгөрдөг. Миний гар утсыг чагнаж байгаад элдвийн худал мэдээлэл олон нийтэд тараадаг юм шиг байна. Өнөөдрийн жагсаалд намайг оролцуулахгүй гэх зорилгоор санаатайгаар намайг харлуулж, гүтгэж байна гэж хардаж байна. Би дээрх хэргийн талаар Хан-Уул дүүргийн цагдаагийн хэлтэст эхнэртэйгээ хамт  байцаалт өгчихөөд буцаж байна” гэсэн юм.