• Өнөөдөр 2026-10-23

Хүзүүвчтэй буга 20 хоногт 480 км зам туулжээ

2020-12-04,   1339

ШУА-ийн Биологийн хүрээлэнгийн Хөхтний экологийн лабораторийн хамт олон Хустайн нуруу, Тарвагатайн нурууны байгалийн цогцолбор газрын хамгаалалтын захиргаатай хамтран халиун бугын шилжилт хөдөлгөөн, нүүдлийн коридор, холбоос нутгийг илрүүлэх судалгаа хийжээ. Судалгааны хүрээнд унтуулах, тор татах аргаар Тарвагатайн нурууны БЦГ-т дөрвөн халиун буга, Хустайн нурууны БЦГ-т зургаан  халиун буга барьж сансрын дохиолол бүхий хүзүүвч зүүв.

Сансрын дохиолол бүхий нэг хүзүүвч нь өдөрт зургаан цэгэн мэдээлэл дамжуулдаг. Төсөл хэрэгжих хугацаанд нийт 12,500 гаруй цэгэн байршил илрүүлжээ. Халиун бугын хоногийн шилжилт хөдөлгөөн дунджаар Хустайн нурууны БЦГ-т 484-508м, Тарвагатайн нурууны БЦГ-т 419-485м, эзэмшил нутгийн хэмжээ 144-242 км2, 36-51 км2 талбайг эзэлж байв.

Тарвагатайн нуруунд хүзүүвчилсэн халиун буга Тэрхийн цагаан нуурын зах орж, буцаад Тарвагатайн гол нурууг дамнан урагш Их Богд уул руу Завхан аймгийн Их-Уул, Тосонцэнгэл, Отгон, Баянхонгор аймгийн Баянбулаг, Гурванбулаг, Хүрээмарал, Бууцагаан, Баацагаан зэрэг сумыг дайран өнгөрч 20 хоногийн хугацаанд 480 км зам туулан Жинст сумын нутагт очсон байв. Төслийн хугацаа дууссан ч сансрын дохиолол бүхий хүзүүвчтэй буганууд цэгэн байрлалаа дамжуулсаар байгаа аж. 

ХБНГУ-ын Сэргээн босголт, зээлийн банкны санхүүжилтээр энэ судалгааг хийжээ. 


Хүзүүвчтэй буга 20 хоногт 480 км зам туулжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.