“Улаанбаатар смарт карт” ХХК-ийн ТУЗ-ийн дарга Б.Мөнхболор Сөүл хотод айлчилж, тус улсын “T-Money” ХХК-ийн үйл ажиллагаатай танилцаж, цаашид хэрхэн хамтарч ажиллах боломжтой талаар мэдээлэл өгсөн юм.

     Тэрбээр “2014 онд “Т-money” компани Улаанбаатар хоттой хамтарч, нийтийн тээвэрт үйл ажиллагаагаа нэвтрүүлсэн. Өнгөрсөн хугацаанд гурван сая гаруй карт зарагдсан. Өдөр бүр 1.4 сая хүн автобусны карт хэрэглэж байгаа. Нийслэлийн Засаг дарга бөгөөд Улаанбаатар хотын дарга Сөүл хотод айлчилж байна. Энэ хүрээнд “Т-money” компанийн үйл ажиллагаатай танилцаж байна. Тус компани нь 150 мянган такси, 13 мянган автобус, метро зэрэг бүх нийтийн тээврийн төлбөрийн хэрэгслийг хийдэг. Үүнтэй адил “U-money” картыг Улаанбаатар хотын бүх төрлийн тээврийн хэрэгсэлд нэвтрүүлэх, олон үйлдэлтэй болгохоор хамтарч ажиллахаар болсон” гэлээ.