ХӨСҮТ-ийн Тандалт судалгааны албаны дарга А.Амбасэлмаа "Автобусны жолоочоос коронавирус илэрсэн. Энэ хүнийг арваннэгдүгээр сарын 30-наас эхлэн хоёрдогч хавьтлаар тусгаарлаад байсан. Одоо энэ хүний ойрын хавьтал болон хоёрдогч хавьтлуудыг тусгаарлах ажил үргэлжилж байна. Түүний ажилладаг автобус бааз 500 гаруй ажилтантай. Үүнээс ойрын хавьтал болох 17 хүнийг тусгаарлаж PCR шинжилгээнд хамруулж байна. Харин үлдсэн хүмүүсийг түргэвчилсэн оношлуураар шинжилгээ авч байна. Өчигдөр шөнөөс эхлэн PCR шинжилгээнд хамруулж байгаа"гэлээ.

Түүнчлэн зарим эх сурвалжийн мэдээлж буйгаар тухайн автобусны жолооч нь арваннэгдүгээр сарын 25-нд коронавирусийн халдвартай айлд очсон. Түүнээс хойш арваннэгдүгээр сарын 29-н хүртэл гурван өдөр зорчигчдод үйлчилсэн гэх мэдээлэл байгаа юм.