ЭМЯ-наас коронавирусийн талаарх цаг үеийн ээлжит мэдээлэл хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “Өчигдөр нийт 16599 хүнд “PCR” шинжилгээ хийсэн. Үүнээс хавьтлын 500 гаруй хүнд шинжилгээ хийхэд долоон хүнээс  коронавирусийн халдвар илэрлээ. 16 мянган хүнээс халдвар илрээгүй.  Улаанбаатар хотод нэг, Сэлэнгэ аймагт батлагдсан зургаан хүний тав нь нэг гэр бүлийн гишүүд байсан. Ингэснээр Монгол Улсад бүртгэгдсэн халдварын нийт тохиолдол 819 боллоо. Өнөөдрийн байдлаар 365 хүн эдгэрээд байгаа бол ХӨСҮТ, Цэргийн төв эмнэлэгт 445 батлагдсан тохиолдол эмчлэгдэж байна. Орхон, Говьсүмбэр, Дархан, Архангай, Дорноговь аймгуудад сүүлийн 24 цагийн хугацанд халдвар илрээгүй. 

Орхон-24

Говьсүмбэр-4

Архангай-3

Дархан-Уул-44

Дорноговь-21 тохиолдол бүртгэгдсэн. Архангай аймагт ойрын болон хоёрдогч хавьтлуудын шинжилгээг 100 хувь хийж дууссан. Ихтамир, Батцэнгэл сумуудад тандалт судалгаа хийх ажил үргэлжилж байна. халдвар бүртгэгдсэн зургаан аймаг болон нийслэлд хавьтлыг дахин илрүүлэх, хавьтлуудын давтан шинжилгээг хийх, мөрдөх, тандах ажлууд явагдаж байна. Нийт кластер өвчлөлийн батлагдсан тохиолдол 376 болсо. ХӨСҮТ-д эмчлүүлж байсан долоон хүн эдгэрч дараагийн ажиглалтын сувилалд шилжсэн"гэв. Мөн энэ үеэр сэтгүүлчид асуутад хариулт авлаа.

-Шүүхийн ерөнхий зөвлөлийн ажилтнаас коронавирусийн халдвар илэрсэн гэсэн. Энэ үнэн үү?

-Манайд нэг батлагдсан тохиолдол ойрын хавьтлаа хэлэхгүй, нуух тохиолдол тандалт судалгааны явцад гарсан. Тухайн хүнийг олж шинжилгээ хийхэд өнгөрсөн сарын 28-нд коронавирусийн халдвартай гэдэг нь батлагдсан. Ойрын болон дам хавьтлыг судлахад Шүүхийн ерөнхий зөвлөлд ажилладаг үйлчлэгчээс халдвар батлагдсан. Учир нь судалгааг үргэлжлүүлж хавьтлыг олж илрүүлэх, тэднийг 14-21 хоногийн хугаанд тусгаарлаж шинжилгээ авах ёстой горимоор ажилласан. Шүүхийн ерөнхий зөвлөл дээр хариу арга хэмжээ авах хоёр баг ажилласан. Батлагдсан тохиолдлын ойрын хавьтал болсон хүн бүрийг тусгаарлана. Дарга, цэрэг гэж ялгаварлахгүй. Тухайн батлагдсан тохиолдолтой 24-48 цагийн дотор маскгүй, 1.5 метрээс дотогш харьцсан бол хавьтагч гэж үздэг. Тухайн үйлчилгээний ажилтан Шүүхийн ерөнхий зөвлөлийн хоёр давхарт ажилладаг учир тухайн давхрын хүмүүсээс шинжилгээ авч баталгаажуулах ёстой. Ойрын хавьтлыг тусгаарлах байранд тусгаарлаж, дам хавьтлын хүмүүсийг гэрийн тусгаарлалтанд оруулсан. 50 гаруй хүнээс шинжилгээ авахад 37 хүнээс халдвар илрээгүй. Тандалт судалгаа шинжилгээ үргэлжлэн явагдаж байна.

-Хан-Уул дүүргийн Биокабинетийн ойролцоо халдвар илэрсэн байж болзошгүй гэсэн. Энэ ямар учиртай вэ?

-Одоогийн батлагдсан тохиолдолууд Энхсаран сувилалд ажилладаг, тухайн орчинд амьдардаг тэнд барилгын ажил хийж байсан хэсэг хүнийг тандалтандаа авахад батлагдсан тохиолдол гарсан. Дроноор тэдний байрлалыг үзэхэд нэг усан сангаар үйлчлүүлдэг, дэлгүүр хамт ордог, найз нөхдөөрөө уулздаг хүмүүс байсан учир тухайн нутаг дэвсгэрт УОК-ын шуурхай штаб, НОК-ын шуурхай штабтай хамтарсан ажиллагаа явуулсан. 120 өрхийн 400 гаруй хүнээс шинжилгээ авсан. Тухайн бүсэд ажилладаг, тэр орчимд амьдардаг иргэдийг тусгаарлалтад авсан. Халдварыг тараахгүй байхаар ажиллаж буй учир иргэд зөвөөр ойлгож, халдвар хамгааллын дэглэмээ сайтар баримтлахыг зөвлөж байна.