Орхон аймгийн эрүүл мэндийн газраас дараах арга хэмжээг авч байна

2020-12-02, 624

Орхон аймгийн Эрүүл мэндийн газар цар тахлын үед авч хэрэгжүүлж буй арга хэмжээгээ тайлагналаа.

Удирдлага зохион байгуулалтын чиглэлээр:

1. Аймгийн Засаг даргын 2020 оны А/677 дугаар захирамжаар шуурхай штабын бүрэлдэхүүнийг томилж, мэдээлэл төлөвлөлтийн баг, хариу арга баг, санхүү хангалтын баг, шуурхай хариу арга хэмжээний таван бүлэг нийт 156 хүн ажиллаж байна.

2. Гамшгаас хамгаалах бүх нийтийн бэлэн байдлын зэрэгт шилжсэнтэй холбоотой Аймгийн Засаг даргын нийт зургаан захирамж, нэг албан даалгавар гарсан. Эрүүл мэндийн байгууллагуудад ЭМГ-ын даргын хоёр албан даалгавар, хоёр зөвлөмжийг хүргүүлэн хэрэгжилтийг тооцон ажиллаж байна.

3. УОК-ын шийдвэрээр Зам тээврийн хөгжлийн Дэд Сайд Ж.Бат-Эрдэнэ ахлагчтай ХӨСҮТ, ОБЕГ-ын эмч, мэргэжилтэнүүдийн зөвлөн туслах баг 2020 оны арваннэгдүгээр сарын 19-ний өдрөөс арванхоёрдугаар сарын 1 хүртэл орон нутагт ажиллаж нийт 16 үүрэг даалгаврыг өгч хэрэгжүүлэн ажиллаж байна.

4. ЭМГ-ын дэргэдэх Ерөнхий мэргэжилтүүдийн зөвлөл, Аймгийн Засаг даргын дэргэдэх Эрдэмтний зөвлөлийг ажилуулж эхэлсэн.

5. ЭМЯ-наас ирүүлсэн албан бичигт тусгасан ажлуудыг салбаруудад цахим хурлаар танилцуулан эмнэлгийн тусламж үйлчилгээний зохион байгуулалт, тасралтгүй байдлыг хангах, халдвар хамгааллын дэглэмийг чанд мөрдөн ажиллах зэрэгт үүрэгжүүлэн, албан бичгээр хүргүүлэн ажиллаж байна.

6. Аймгийн Засаг даргын 2020 оын арванхоёрдугаар сарын 1-ний А/700 дугаар захирамжаар орох гарах иргэдийг нэвтрүүлэх ажлын хэсэг болон чиг үүргийг батлан , ажлын төлөвлөгөө гарган хэрэгжүүлж байна.

Хариу арга хэмжээний чиглэлээр:

1. Өнөөдрийн байдлаар батлагдсан 24 тохиолдлын ойрын хавьтлын 428, дам хавьтал 4721 байна. Гэрийн ажиглалтанд 586, тусгаарлан ажиглалтанд 168 иргэнийг хянаж байна. Түргэвчилсэн тестээр 18763 иргэнийг хамруулж, нийт PCR 2735 сөрөг 2711, эерэг 24 гарсан.

2. Нийт төр, хувийн хэвшлийн 26 эрүүл мэндийн байгууллагаас 427 эмч, эмнэлгийн мэргэжилтэн, 32 тээврийн хэрэгслийг дайчлан ажиллуулж байна.

3. Шуурхай штабын багт тэтгэвэрт гарсан талбарын тархвар судлаач эмчийг зөвлөхөөр, МХГ болон бусад эмнэлгүүдийн халдвар судлаач нарыг шуурхай штабын төлөвлөлт хангалт, хариу арга хэмжээний багт татан ажилуулж байна.

4. Тусгаарлан ажиглах байраар аж ахуйн нэгж байгууллагын 6 буудлыг дайчлан ажиллуулж байна.

5. Ковид-19-ыг эмчлэх 70 орыг Бүсийн оношилгоо эмчилгээний төвд бэлтгэсэн. Үүний 10 ор нь эрчимт эмчилгээний ор байна./Халвартын тасгийн 40 ор , мэдрэлийн тасгийг 30 ор/

6. Түргэчилсэн шинжилгээ авах 11 цэгийг бий болгож өнөөдрийн байдлаар нийт 16256 иргэнийг шинжилгээнд хамруулаад байна.

7. Эрдэнэт үйлдвэр ТӨҮГ-ын нийт 7399 ажилтанаас түргэвчилсэн тестээр шинжилгээ авсан.

8. Автотээврийн хяналтын 7 цэгийг ажилуулж, ЭМС-ын эмч, сувилагч нар 24 цагаар ээлжлэн ажиллаж түргэвчилсэн тестийг авч байна.

9. Ажиглан тусгаарлах байрнаас гарах болон Орхон аймагт орж ирэх иргэдэд байршил тогтоох, иргэнийг хөдөлгөөнийг хянах, шинжилгээний хариу харах, шаардлагатай мэдээллүүдийг багтаасан апплейкешиныг 5490 иргэний гар утасанд суулгахаар 28 сая төгрөгийг орон нутгаас шийдвэрлэсэн.

Нөөц хангалтын чиглэлээр:

Эрүүл мэндийн яамнаас:

1. Багаж тоног төхөөрөмж: Эрүүл мэндийн яамнаас 2020 онд нийт 211.6 сая төгрөгний тоног төхөөрөмж нийлүүлэгдсэн. Үүнд: Зөөврийн рентген -99.3 сая, Амьсгалын аппарат -34.9 сая, хүчилтөрөгч өтгөрүүлэгч 1.6 сая , пургон автомашин хоёр ширхэг -75.8 сая төгрөг тус тус нийлүүлэгдсэн .

2. Эм, эмнэлгийн хэрэгсэл: ЭМЯ-наас арваннэгдүгээр сард дөрвөн удаагийн хангалт хийсэн. Үүнд: комбинзон 5480 ширхэг, 3000 хос бээлий, N95 амны хаалт 10500 ширхэг, нэг удаагийн маск 15000 ширхэг, нүдний шил хамгаалалттай 500 ширхэг, нүүрний хамгаалалт 500 ш, халад 900 ширхэг, 15 нэр төрлийн эм, тариа нийт 120.1 сая төгрөгний хангалтыг хийсэн. Мөн түргэвчилсэн тест нийт 29250 ширхэг хангасан. ХӨСҮТ-ээс RN ялгагч 4700 ширхэг, PCR 5500 хүнд хийхээр оношлуур дагалдах хэрэгслийн хамт ирүүлсэн.

Орон нутгийн нөөц:

1. Аймгийн Засаг даргын нөөцийн сангаас 311.3 сая/ хоол хүнс, тээвэр шатахуун, PCRоношлуурын хошуу, центрфуг/

2. ЭМГ-ын нөөцийн сангаас 33.4 сая төгрөгийн эм, эмнэлийн хэрэгсэл, нэг удаагийн хамгаалах хэрэгсэл, халдваргүйтгэлийн бодисыг хэрэглэсэн.

Орхон аймгийн эрүүл мэндийн газраас дараах арга хэмжээг авч байна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.