Зам тээврийн ослын улмаас хоёр залуу нас баржээ. Тодруулбал, Дорнод аймгийн Хэрлэн сумын I багийн Уурхайн зам гэдэг газарт “Автомашины эд ангид хүн хавчуулагдсан байна” гэсэн дуудлага өчигдөр 15:18 цагт Онцгой байдлын албанд иржээ. Дуудлагын дагуу Дорнод аймгийн Онцгой байдлын газрын Эрэн хайх, аврах ангийн алба хаагчид гурван км замыг туулан 15:23 цагт очиход “Тоёота Креста” загварын, “Фотон” загварын ачааны автомашинтай мөргөлдсөнөөс суудлын автомашины жолооч Т 19 настай эрэгтэй, 17 настай эрэгтэй Ш нар автомашины төмөр хийцэд хавчуулагдан нас барсан байжээ. Алба хаагчид шуурхай ажиллаж, цогцсыг аймгийн Цагдаагийн байгууллагад шилжүүлэн өгсөн байна.