Орон нутгаас нийслэлд ирээд гацсан иргэдийг өнөөдрөөс эхлэн арванхоёрдугаар сарын 10-ныг хүртэл тусгай үүргийн тээвэрлэлтээр зорчуулж байгаа. Хот хооронд шилжилт хөдөлгөөн хийх 100 гаруй мянган иргэн байгааг УОК-оос мэдээлсэн. Тэдгээрийн 70 гаруй хувь нь нийтийн тээврээр зорчих юм. Тэгвэл Авто тээврийн үндэсний төвийн мэдээлснээр 15:00 цагийн байдлаар Улаанбаатар хотоос эхлэлтэй есөн чиглэлийн 29 тээврйин хэрэгслээр 198 зорчигч орон нутаг руугаа буцаад байна.

Явахаасаа 48 цагийн өмнө шинжилгээ өгсөн орон нутгийн иргэд шинжилгээний хариу нь цагтаа ирээгүйн улмаас хот хооронд зорчих тасалбараа авсан иргэд нийтийн тээвэртээ сууж чадалгүй, буцаж байна

Орон нутаг руу буцах иргэд 119.mn сайтад хандан бүртгэл хийлгэж, коронавирусийн шинжилгээ өгч байгаа бөгөөд хариу нь 6-8 цагийн дараа гарах юм. Тэгвэл явахаасаа 48 цагийн өмнө шинжилгээ өгсөн орон нутгийн иргэд шинжилгээний хариу нь цагтаа ирээгүйн улмаас хот хооронд зорчих тасалбараа авсан иргэд нийтийн тээвэртээ сууж чадалгүй, буцаж байна. Тэдгээр иргэн хот хооронд зорчих тасалбараа дараагийн тээвэр хүртэл хойшлуулах аль эсвэл тасалбарын мөнгөн дүнг буцаан авч болох эсэх зэрэг бусад асуудлуудтай нүүр тулж байгаа юм. Энэ талаар холбогдох албаныхнаас тодруулахад “Зорчигчоос шалтгаалахгүй асуудлаас болоод тасалбар цуцлагдаж байгаа тохиолдолд тухайн иргэний тасалбарыг хойшлуулах болон мөнгөн дүнг ямар нэгэн шимтгэлгүйгээр буцаан олгоно. Үүн дээр зорчигчид тасалбарынхаа мөнгийг алдах, суутгал авах вий гэдэгт санаа зовохгүй байж болно. Энэ талаар 1900-1234 гэсэн лавлах утасаар болон eticket.mn сайтад хандаж мэдээлэл авч болно” гэв.