Улсын онцгой комиссын шийдвэрээр бүх нийтийн бэлэн байдлын зэрэгт шилжээд буй. Онцгой дэглэмийн үед согтууруулах ундаа худалдан борлуулахыг хориглосон ч архидан согтуурсан цөөнгүй зөрчил гарч байна. Өчигдөр 79 хүнийг эрүүлжүүлэх байрт саатуулсан бол согтуугаар автомашин жолоодсон 18 жолоочийг илрүүлжээ. Энэ нь өмнөх өдрийнхтэй харьцуулахад хоёр дахин нэмэгдсэн гэсэн үг. Тодруулбал, уржигдар 46 хүн эрүүлжүүлэх байранд хоносон юм. Харин өчигдөр хүний биед халдсан хэрэг 16 бүртгэгджээ.

Цагдаагийн байгууллагын 102 дугаарт өчигдөр нийт 683 дуудлага мэдээлэл бүртгэгдсэн байна. Үүний 289 нь зөрчлийн, зургаа нь хулгайлах хэргийн талаар гомдол мэдээлэл байжээ. Мөн гэр бүлийн хүчирхийллийн 53 дуудлага ирсэн байна. Уржигда буюу арваннэгдүгээр сарын 29-нд 102 дугаарын утсанд 613 дуудлага ирээд байсан юм.