Дархан сумаас сум хооронд явах хүсэлтэй иргэдийг өнөөдөр нутаг буцаана

2020-11-30, 500

Дархан-Уул аймгийн Дархан сумын орох, гарах хөдөлгөөнийг өнөөдрөөс нээж байгаа аж. Энэ талаар тус аймгийн онцгой комиссоос мэдээлэл өглөө.

Дархан сумын онцгой комиссоос "Дархан сумын иргэдийг Хонгор, Орхон, Шарын гол сумдаас татаж авах, мөн Дархан суманд хязгаарлалтад орсон иргэдийг эдгээр суманд нь хүргэх ажлыг зохион байгуулж байна. Ийн нутаг буцах иргэдийг цахим системээр бүртгэж дууслаа. Шарын гол сум руу 65, Хонгор сум руу 15, Орхон сум руу 52 иргэн буцах хүсэлтэй өгч, PCR шинжилгээнд хамрагдсан. Өнөөдөр 15:00 цагаас нутаг буцаах иргэдийг явуулж эхэлнэ. Хувийн болон автобусаар зорчих гэсэн хоёр ангилсан.

Шарын гол сум руу явах 65 иргэний 19 нь найман машинаар, 46 иргэн нь хоёр автобусаар явна. Хонгор сумын 15 хүний тав нь хувийн автомашинаар, үлдсэн 10 нь автобусаар явна гэж мэдээлсэн. Мөн Орхон сумын 52 иргэний 20 нь есөн машинаар, 32 иргэн хоёр автобусанд хуваагдаж явна. Ингээд нутаг буцах иргэдийн унаа техникийг ариутгаж халдваргүйжүүлсний дараа хаалгыг гь лацдаж, цуваа хэлбэрээр явуулна. Шинжилгээнд хамрагдаагүй иргэд дээрх унаанд дайгдах ямар ч боломжгүй шүү" гэлээ.

Дархан сумаас сум хооронд явах хүсэлтэй иргэдийг өнөөдөр нутаг буцаана

Шинэ мэдээ

Нийтлэлчид