Өчигдөр буюу арваннэгдүгээр сарын 29-нд Онцной байдлын албанд гал түймрийн тухай хоёр дуудлага иржээ. Тодруулбал, Баянзүрх дүүрэг 21 дүгээр хороонд “Иргэн Н-ийн 5х5 метрийн хэмжээтэй байшин шатаж байна” гэсэн дуудлага өчигдөр 12:20 цагт иржээ. Дуудлагын дагуу Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчид ажиллаж галыг бүрэн унтраажээ. Мөн Хан-Уул дүүрэг 16 дугаар хороонд “Иргэн Я-гийн 6х12 метрийн хэмжээтэй байшин шатаж байна” гэсэн дуудлага бүртгэгджээ. Тус дуудлагын дагуу Хан-Уул дүүргийн Онцгой байдлын хэлтсийн Гал түймэр унтраах, аврах 30 дугаар ангийн алба хаагчид ажиллаж унтраасан байна. Азаар хүний амь эрсдээгүй аж.