• Өнөөдөр 2024-03-29

Орон нутаг зорчих иргэдээс шинжилгээ авч байгаа цэгүүдэд хяналт тавьж байна

2020-11-30,   305

Мэргэжлийн хяналтын улсын байцаагчид орон нутаг зорчих хүсэлтэй иргэдийн шинжилгээ өгөх 22 цэгийн халдвар хамгааллын дэглэмд хяналт тавьж байна. Өчигдөр 11361 иргэн шинжилгээнд хамрагдсан байна. Тус цэгүүдэд ариутгал цэвэрлэгээг хоёр цаг тутамд хийлгэж, 16044 м.кв талбайд халдваргүйжүүлэлт хийлгүүлж, халдвар хамгааллын дэглэмийг мөрдүүлжээ.

Шалгалтын явцад шинжилгээ авах эмч, эмнэлгийн ажилчдын өмсөх хамгаалах хувцас хэрэгсэл, комбинзон тараагдаагүйгээс 37, 39, 41 дүгээр сургууль дээр шинжилгээ цагтаа эхлээгүй байна. Мөн 4, 62, 39, 44 дүгээр сургуульд байрласан шинжилгээний цэгүүдэд хүн хоорондын зай барих дэглэм зөрчигдөж, бөөгнөрөл үүссэн, бүртгүүлээгүй иргэд ирж, дугаарлан зогссон зөрчил гарсан. Хог хаягдлын уут хүрэлцээгүй 37 дугаар сургууль, гар ариутгалын бодис хүрэлцээгүй 39 дүгээр сургуулийн зөрчлийг арилгуулсан байна. Бүх цэгүүдэд техникийн саатал гарснаар бүртгэл удаашралтай явагдсан зэрэг зөрчлүүд гарлаа. Хяналт шалгалт үргэлжилж байна.

 

 


Орон нутаг зорчих иргэдээс шинжилгээ авч байгаа цэгүүдэд хяналт тавьж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188