Өнөөдөр өглөө Нийслэлд зээрийн сүрэг орж ирсэн. Байгаль орчин, аялал жуулчлалын яам, Нийслэлийн байгаль орчны газартай хамтран Налайх Хонхорт орж ирсэн 200 гаруй зээрийн сүргийг Салхит, Хоолтын зүгт эргүүлэн гаргалаа.  Айдасын давааны хурдны замын чиглэлээр орж ирсэн 300 орчим зээрийн сүрэг Өлзийт хорооллын хойт уулсаар Биогийн чиглэлд орж ирсэн бөгөөд байгаль хамгаалагчид болон холбогдох албаны хүмүүс хотоос гаргахаар ажиллаж байна. Албаны хүмүүс "Сүүлийн өдрүүдэд цас их орлоо. Тал хээрийн бүсэд идэш, тэжээлийн хомсдол үүссэн. Тиймээс идэш тэжээлээ хайгаад бууж ирсэн байж магадгүй " гэлээ.