Дархан-Уул аймаг цаг үеийн асуудлаар ээлжит мэдээллээ хийлээ. Энэ үеэр аймгийн Засаг дарга Б.Азжаргал “Аймгийн хэмжээнд бүх иргэний шинжилгээний хариуг гаргаж дууссан. Өнгөрсөн хугацаанд авсан 20 мянга орчим шинжилгээнээс дөрвөн эерэг тохиолдол, түүнийг дагасан 16 ойрын хавьтал бүртгэгдэж, ХӨСҮТ-д эмчлүүлэхээр хүргэсэн. Мөн өчигдөр батлагдсан есөн тохиолдлын ойрын хавьтлуудыг тусгаарлах ажил хийгдэж байна. Манай аймгаас коронавирусийн халдвартай 44 тохиолдол бүртгэгдсэн. 431 ойрын хавьтлыг илрүүлж тусгаарлаад байна. Эхний тусгаарлах байранд орсон гурваас дөрвөн удаа давтан шинжилгээгээ өгсөн иргэдийг тусгаарлах байрнаас  гаргаж байна. Тухайлбал, өчигдөр 13, өнөөдөр 30 орчим иргэнийг гэрийн хяналтад байлгахаар гаргасан" гэлээ.

Мөн аймгийн Онцгой комиссын зүгээс коронавирусийн халдварыг  хаанаас ,хэрхэн илэрсэн талаарх нууцыг бүрэн илрүүлж дууслаа. Дархан-Уул аймаг дахь хоёр кластер өвчлөл гэр бүлийн гишүүдийг  даган  халдвар тархаж 44 хүрсэн. Бусад иргэд шинжилгээний хариу зүгээр гарсан хэмээн тайвширч болохгүй. Нийгмийн харилцаанд оролцохдоо дор бүрнээ хяналт тавьж гэр бүл болоод өөрийгөө хамгаалах иргэн хүний үүргээ биелүүлэх нь хамгийн чухал байна гэв.