Дархан-Уул аймгийн онцгой комиссоос өнөөдөр 11:00 цагт мэдээлэл хийж, коронавирусийн 11 шинэ тохиолдол нэмж батлагдсан тухай зарласан. Тэгвэл түүнээс хойш "Нэг өрх-Нэг иргэн" шинжилгээний хүрээнд тус аймагт коронавирусийн хоёр шинэ тохиолдол нэмэгджээ. Ингэснээр Дархан-Уул аймгийн хэмжээнд коронавирусийн батлагдсан тохиолдол 35 боллоо.

Энэ тухай Дархан-Уул аймгийн Засаг дарга Б.Азжаргал "Сүүлийн гурав хоногийн хугацаанд "Нэг өрх-Нэг иргэн" шинжилгээ өрнүүлж байгаа. Энэ шинжилгээний хүрээнд дөрвөн иргэнээс коронавирусийн халдвар илэрлээ. Улмаар тэр дөрвөн тохиолдлын ойрын хавьтлын долоон хүнээс халдвар илэрсэн. Мөн өмнөх 20 тохиолдлын ойрын хавьтал дөрвөн хүнээс халдвар илэрсэн. Ингэснээр "Нэг өрх-Нэг иргэн" шинжилгээгээр батлагдсан иргэд, тэдний ойрын хавьтлууд болон тусгаарлалтад байгаа хүмүүсийн ойрын хавьтлууд зэрэг 15 тохиолдол сүүлийн хоёрт илэрлээ гэсэн үг. 

Батлагдсан 35 тохиолдлыг өрхөөр нь авч үзвэл 18 өрхийн иргэд байна. 

Тухайлбал, 

- IV багийн дөрвөн өрхийн долоон хүн

- VIII багийн таван өрхийн зургаан хүн

- XV багийн нэг өрхийн таван хүн байна. 

Түүнчлэн батлагдсан 35 тохиолдлын 97.1 хувь нь Дархан-Уул аймгийн харьяат иргэд байна. 

- 85.3 хувь нь Дархан сум

- 14.7 хувь нь Хонгор сумын иргэд байна" гэлээ.