Архангай аймгийн Батцэнгэл суманд сэжигтэй тохиолдол бүртгэгдэж, хөл хорио тогтоосон талаар цахим орчинд мэдээлэл гарсан.

Энэ талаар тус сумын ЗДТГ-ын дарга Ш.Нэргүйбаатараас тодрууллаа. Тэрбээр "Манай суманд одоогоор сэжигтэй тохиолдол бүртгэгдээгүй. Харин халдвар илэрсэн хүний ойрын хавьталд орсон байх магадлалтай нэг иргэнийг олсон. Одоо түргэвчилсэн оношлуураар шинжилгээ авч байна. Тухайн иргэнд ямар нэг шинж тэмдэг илрээгүй. Харин өнөө өглөө ТЕГ-аас мэдээлэл ирсний дагуу тухайн иргэнийг ойрын хавьтал байж магадгүй хэмээн шинжилгээнд хамруулж байгаа юм.

Тус иргэн нь арваннэгдүгэр сарын 15-нд хүнс тээвэрлэж ирсэн нутгийн уугуул иргэн. Сум руу нэвтрэх үед нь асуумж судалгаа авч, халууныг нь хэмжиж нэвтрүүлсэн. Одоо суманд хэсэгчлэн хөл хорио тогтоосон байна. Түргэвчилсэн оношлуурын хариу гарсны дараа ойрын болон дам хавьтлыг тогтоох ажлыг эхлүүлнэ" гэлээ.