МУГТ Э.Цэндбаатар гавьяатын найраа хийж үеэр нутгийнх нь гишүүд болох Ж.Мөнхбат "Jimmy машин бэлэглэж байна. Бэлгийн машин түгжрээнд ороод хоцорчихлоо, одоохон ирнэ” хэмээн хэлсэн нь цахим орчинд дэгдээд удаж байна. Харин Талаар УИХ-ын гишүүн Ж.Мөнхбат байр сууриа илэрхийллээ.

             Тэрбээр, "Бид нутгийн зөвлөлийнхтэйгөө ярилцаад Э.ЦэндБаатарт унааны ая тал бодъё гэж шийдсэн. Тэгээд тэрхүү машиныхаа эрхийн бичгийг гардуулж өгсөн. Үүний дараа би Э.Цэндбаатарт машин өгнө гэж амлаад үйл ажиллагаа дууссан. Энэ машиныг ямар төсвийн мөнгөнөөс шийдэж болох биш. Нутгийнхаа хэдэн бизнес хүмүүсийг царайчилна. Ямар 5-10 сая төгрөгийн машин биш. Тиймээс машины мөнгийг босгохын тулд хугацаа шаардана. Бид ямар хувийн мөнгөөрөө авч өгөх биш. Бидэнд ямар юмных нь мөнгө байх билээ.  Нутгийн зөвлөл бол иргэдээсээ хандив цуглуулж байгаад шагналыг чинь шийдвэрлэж өгнө гэдгээ хэлсэн. Гэтэл үүнээс хоёр сарын дараа Э.Цэндбаатар янз бүрийн юм ярьж эхэлсэн. Бид Цэндбаатарын нэрийг барьж, улсын төрийн PR хийнэ гэж юу байх вэ дээ.  Сүүлийн үед бүр ингэн барин хүнд юм өгөх албатай ч биш гэж бодож байна. Мөнгө нь бүрдвэл Архангай аймагт хэрэгтэй байгаа түргэн тусламжийн машиныг нь аваад өгчихдөг юм билүү гэж ярилцсан. Бид Э.Цэндбаатарт өргүй. Ямар залилан хийсэн биш. Үүнээс гадна Э.Цэндбаатарт амласан машин түгжрээд явж байна гэж би хэлээгүй. Нэг үгээр бол машин нь биш эрхийн бичиг нь түгжрээд байгаа л гэсэн” гэв.