V сургуулийн н.Пүрэвсүрэнтэй холбоотой мэдээллүүд гарсан. Тухайлбал, өчигдөр иргэн А. Мөнхжин өөрийн цахим хуудсаараа “V сургуулийн 11В ангийн багш н.Пүрэвсүрэн эцэг, эхийн зөвшөөрөлгүйгээр ангийнхаа хүүхдүүдийг  амралтад авч яваад архи өгдөг гэх мэдээлэл бий.  Мөн тус багш баяр болгоноор хүүхдүүдээ дарамталж бэлэг авхуулдаг. Хавар “Iphone X” авхуулчихаад одоо “Iphone-14 pro max” авхуулна гэж уурлаад байгаа. н.Пүрэвсүрэн багшийн ялгаварлан гадуурхалтаас болж манай хүүхэд хичээлдээ явах сонирхолгүй боллоо. Тус ангийн хүүхдүүд бүгд сэтгэл зүйн дарамтад орсон. Өнөөдрийн байдлаар дөрвөн хүүхэд нь хичээлдээ явж чадахгүй байна” гэсэн билээ.

     Харин энэ талаар тус сургуулийн захирал Н.Гэндэнсүрэнгээс тодруулсан юм. Тэрбээр “Тус багштай холбоотой гомдол санал манай сургуулийн удирдлагуудад ирсэн. Гомдлын дагуу сургуулийн захиргаа болон Ёс зүйн хорооноос тус багш зүй бус үйлдэл гаргаж хүүхдүүдийг дарамталж, бэлэг, гар утас авхуулсан эсэхийг тогтооно. Хэрвээ тус багш хүүхдүүдийг дарамталж, бэлэг авхуулж, согтууруулах ундаа өгсөн нь тогтоогдох юм бол багшлах эрхгүй болно” гэлээ.