Ясны сийрэгжилттэй тэмцэх өдөр өнөөдөр тохиож байна.  Энэхүү өдрийг 1999 оны аравдугаар сарын 20-нд анх тэмдэглэснээс хойш өдгөө дэлхий даяар уламжлал болон зохион байгуулагддаг болсон билээ.

Ясны сийрэгжилт гэж юу вэ?

   Ясны сийрэгжилт гэдэг нь ясны жин буурч, ясны эдийн бичил бүтэц өөрчлөгдсөнөөр яс  хэврэгшин хугарах эрсдэл үүсгэдэг  араг ясны системийн өвчин юм.  Ясны эд эсийн бөх бат байдлыг хадгалахад гол үүрэг гүйцэтгэдэг элемент нь кальци болон Д амин дэм юм. Хүний бие махбодын кальцийн 99 % нь ясанд, 1 % нь эсийн гадна шингэн ба зөөлөн эдэд  байдаг.

• Буруу хооллох. Кальци багатай хоол идсэнээр ясны сийрэгжилт үүсдэг.
• Удаан хугацааны гормоны эмчилгээ хийлгэхэд ясны сийрэгжилт бий болдог байна.
• Удаан хугацаанд хэвтэрт байх
• Хөдөлгөөний дутагдал нь бүх өвчний эхлэл болдог. Тиймээс та эрүүл байхын идэвхтэй хөдөлгөөнийг амьдралынхаа нэгээхэн хэсэг болгоорой.
• Хоол боловсруулах замын эмгэг
• Архи, тамхи болон бусад хорт зуршлаас болж ясны сийрэгжилт болдог.
• Хийжүүлсэн ундаа болон кофе байнга хэрэглэх нь ясны сийрэгжилт үүсгэдэг.

Ясны сийрэгжилт болсон тохиолдолд илрэх шинж тэмдэг

•    Яс, үе мөч, нуруугаар янгинаж өвдөх, шөрмөс татах
•    Нуруу суулт өгч намхан болох
•    Ялимгүй зүйлд яс амархан хугарах, цуурах
•    Шүд хорхойтох, унах, буйл үрэвсэж цус гарах, шүд халуун хүйтэнд мэдрэг болох
•    Үс унах, хумс хугарамтгай болох, арьс хуурайших