Хууль зүйн, дотоод хэргийн яамны Төрийн нарийн бичгийн дарга П.Сайнзориг цахим хуудастаа хошин урлагийн уран бүтээлчдийг “Хошин шогийн хэдэн хүний эрхийг зөрчигч алиалагч нар  бас хувь нэмэр оруулсан даа. Хүн доромжилдгоо урлаг гээд ойлгосон гамшгууд. Хүн доромжилсний төлөө төрөөс ч элдэв шагнал, гавьяатын тэмдэг зүүж өгдөг өө больмоор юм” гэж бичжээ. Үүнд хошин урлагийн жүжигчид дургүйцлээ илэрхийлэн огцрохыг шаардлаа.

  Энэ үеэр Монгол Улсын Гавьяат жүжигчин Н.Онон “Бид хувь хүний үгэнд биш. Монгол Улсын төрийг төлөөлж, Хууль зүйн яамыг төлөөлж байгаа хүн доромж үгийг хэлсэнд нь шүүмжлэлттэй хандаж байна. Төр ард иргэдээ мэргэжлээр нь доромжилж байна. Өөрөөр хэлбэл Үндсэн хуулийг зөрчиж байна. Тиймээс үгээ бодож хэлж бай. Уучлалт гуй гэж хэлмээр байна. Хошин урлагийн салбарт олон жил ажилласан уран бүтээлчид болон бидний үе, залуу уран бүтээлчдийг төрийн хүмүүс доромжиллоо гэж үзэж байна." гэв.