Цагдаагийн байгууллагад 2022 оны аравдугаар сарын 18-ны өдрийн 13:00 цагийн орчим “Баянзүрх дүүргийн Ботаникийн зам дээр хүн нас барсан байна, замаар чирсэн байдалтай байна” гэх дуудлага иржээ. Дуудлагын дагуу шалгахад 32 настай эрэгтэй “Э” нь Тоёота приус 20 маркийн автомашиныг жолоодон явахдаа явган зорчигч 37 настай эрэгтэй “Г”-г мөргөж, амь насыг нь хохироосон байна.  Баянзүрх дүүргийн цагдаагийн газраас хэргийг шуурхай илрүүлэн, шалгалтын ажиллагааг үргэлжлүүлж байна. Шалгалтын явцад жолооч 32 настай эрэгтэй “Э” нь согтууруулах ундааны зүйл хэрэглэсэн байсан нь тогтоогдсон. Тиймээс цагдаагийн байгууллагаас иргэд та бүхэн согтууруулах ундаа хэрэглэсэн үедээ тээврийн хэрэгсэл жолоодохгүй байх, насанд хүрээгүй хүүхдээр тээврийн хэрэгсэл жолоодуулахгүй байх, мөн жолоодох эрхгүй этгээдэд жолоо шилжүүлэхгүй байхыг сэрэмжлүүлж байна.