Нийслэлийн Баянзүрх дүүргийн Шархад орчмоос өчигдөр буюу аравдугаар сарын 17-ны өдрийн 13:00 цаг орчимд долоон настай хүү сураггүй болсон тухай мэдээлэл цахим сүлжээнд түгсэн. Бид үүнтэй холбоотойгоор сураггүй болсон хүүгийн ар гэртэй холбогдож тодрууллаа.

Энэ талаар хүүгийн ээж С.Баасанжаргал “Хүүгээ өчигдөр орой 23:00 цагийн үед олсон. Хичээл тарсны дараа хүүг минь өвөө нь авах ёстой байсан юм. Гэтэл хүүг минь аав нь надад хэлэлгүй авчихсан байсан. Би хүүгийнхээ аавтай амьдардаггүй. Аав нь хүүтэйгээ уулзахаар болбол надад хэлж байж уулздаг байсан юм" гэв.