Энэ долоо хоногт зохион байгуулагдах урлаг соёлын үйл ажиллагаа, үзвэрийн хуваарийг   танилцуулж байна. Энэ долоон хоногт "BRAVO CIRCUS" олон улсын циркийн эхний тоглолтууд тавигдахаас гадна Хурд хамтлагийн хамгийн шилдэг уран бүтээлүүдээ хүргэх "HURD -GOLDEN HITS" тоглолт болох ажээ.

"ХЭМХЭРХИЙ ДҮРСНҮҮД" монодрам

    Охид эмэгтэйчүүдийн тухай, тэдний амьдралд тохиолддог асуудлыг хөндөж буй. Асуудал бэрхшээл буй ч даван гарах арга зам гэж бий. Анзаарахгүй, мэдрэхгүй өнгөрсөн ч бодож тунгаахын орон зай мөн бий. Энэ бүхнийг  манай жүжгүүдээс хайх боломжийг олгож байна.

Хаана: Bee Theatre
Хэзээ: Аравдугаар сарын 18-21-ны өдрүүдэд 19 цагаас

"ҮХЭЖ ЯДСАН ХААН" драмын жүжиг

"Энэ бол үхлийн төлөөх хүүрнэл юм, гэхдээ зөв ойлгоорой, энэ бол шүтлэг биш юм. Надад буддизмтай холбоотой түүх таалагдаж эхэлсэн. Хэдийгээр " Үхэж ядсан хаан" нэртэй ч энд амьдралын тухай өгүүлэх юм. Энэ нь хүн бүрд өөрийн гэсэн цаг хугацаа байдаг гэдгийг сануулж буй нэг хэлбэр юм. Мөн та энэ цаг үедээ, энэ ертөнцөд зохицон амьдрах хэрэгтэй юм.

Хаана: Соёлын төв өргөө
Хэзээ: Аравдугаар сарын 18-нд 19 цагт

"WINTER WELODY" ардын урлаг, өв соёлын тоглолт

Цагаан лавай чуулга "WINTER WELODY" ардын урлаг, өв соёлын тоглолттой.

Хаана: Ган Зам палас
Хэзээ: Аравдугаар сарын дуустал долоо хоног бүрийн Лхагва, Баасан, Ням гаригт

"ОПАЛ" жүжиг

Хүнлэг сайхан сэтгэл гээч хаанаас бий болдог юм бол. Сайхан сэтгэл гэгчийг бид хэн нэгнээс өвлөн авдаг уу, үлгэрлэн суралцдаг уу?

Хаана: Хүн театр
Хэзээ: Аравдугаар сарын 19-23-нд 19:30 цагт

City Swing jazz night

“CITY SWING” тоглолтоор ХБНГУ-аас нэрт хөгжимчин, жазз хөгжмийн удирдаач Петер Райтер уригдан оролцох бөгөөд түүний удирдан найруулсан шинэ зохиолууд энэхүү үдэш тоглогдох болно.

Хаана: Монгол Улсын Филармони
Хэзээ:Аравдугаар сарын 21-нд  19 цагт

HURD -GOLDEN HITS тоглолт

Хаана:Ulaanbaatar place
Хэзээ: Аравдугаар сарын 21,22-нд 19 цагт

Азийн аваргын  бүсний тулаан

      Энэхүү үдшийн оргил тулаанд WMO Муай-тайн Азийн аваргын төлөө Монгол тулаанч WMO Монгол улсын аварга Ө.Төрбаяр Японы" Deep kickboxing "-ын аварга Риояа Инайтай "Азийн аваргын бүсний төлөөх тулаан"Дэд оргил тулаанд Холимог тулааны төрлөөр Н.Цацралын эсрэг Н.Батцэнгэл
Мөн манай эхний эвэнт "Оргил тулаан"-ы ялагч Ганбаатрын Бат-Ирээдүйн эсрэг MGL-1 FC холбооны 2 удаагийн аварга С.Сүхболд гэсэн гал гарсан тулаан болон өөр бусад жингийн холимог, муай-тай, кикбоксын тулаанууд мөн урлагийн тоглолтууд та бүгдийг хүлээж байна.

Хаана: Футзал Хөлбөмбөгийн стадион
Хэзээ: Аравдугаар сарын 21-нд 19 цагт

"BRAVO CIRCUS" олон улсын циркийн тоглолт

Тоглолтод дэлхийн циркийн урлагийн шилдгийн шилдэг 11 улсын 86 жүжигчид болон сургуультай амьтад оролцоно. ОХУ, Армени, Вьетнам, Япон, Аргентин, Казахстан, Узбекистаны циркчид тоглох бол сургуультай баавгай, аварга могой, нохой муур зэрэг амьтдын хөгжилтэй үзүүлбэрүүд тоглогдоно.

Хаана: Монгол бөхийн өргөө
Хэзээ:Аравдугаар сарын 21-30-ны өдрүүдэд

Л.Минкус “ДОН КИХОТ” балет

Мигель Де Сервантесийн "Кихот Ноён" зохиолоос сэдэвлэсэн энэхүү балет нь Китри, Базиль хоёрын хайр дурлал, тэдний дундуур хөндөлдөх баян тайж Гамаш, хүргэнээ сонгох гэж туйлбаргүй загнах Лоренцо нарын адал явдал, хөгтэй үйл явдлуудыг үзүүлнэ. Хэрмэл хөлөг баатар, адал явдал хайгч Кихот Ноён хэдийгээр туслах дүрийн баатар боловч хайртай хосын хувь заяаг сайхнаар шийдэх уран арга сийлэхээр шийднэ.

Хаана: Дуурь Бүжгийн Эрдмийн Театр
Хэзээ: Аравдугаар сарын 22,23