Монголын анхны олон ангит 3D анимейшн болох “Зуузуугийн найзууд” хүүхэлдэйн кино Казахстан Улсын Балапан телевизээр гарч эхэллээ.

  Балапан  нь тус улсын хамгийн олон үзэгчтэй хүүхдийн телевиз бөгөөд Монгол Улсыг  сурталчилсан томоохон соёлын арга хэмжээ хэмээн төслийн удирдлагууд онцолж байна.

    “Зуузуугийн найзууд” 100 ангит хүүхэлдэйн киног цаашид Казахстан гэлтгүй олон улс орны телевизээр  гаргах зорилготойгоор төслийн багийнхан ажиллаж байгаа аж. Хүүхэлдэйн киногоор дамжуулан улс орныхоо соёлыг сурталчлахаас гадна тус хүүхэлдэйн киноны дүрүүдтэй холбоотой  дагалдах бүтээгдэхүүнийг гадаад зах зээлд борлуулах томоохон боломжууд нээгдэж буй хэрэг юм. Энэ үйл явдал нь манай улсаас гадны зах зээлд гарч буй анхны хүүхдийн контент гэдгээрээ энэ салбарын чухал дэвшил болж байна.