Олон улсын иогийн өдөр өнөөдөр буюу зургадугаар сарын 21-ны өдөр тохиож байна. Олон улсын иогийн өдрийг тэмдэглэх санааг анх 2014 оны есдүгээр сарын 27-нд Ерөнхий сайд Нарендра Моди НҮБ-ын Ерөнхий Ассамблейн чуулганд үг хэлэхдээ, Энэтхэгийн Элчин сайд Асоке Кумар Мукержи зургадугаар сарын 21-ний өдрийг “Олон улсын иогийн өдөр” болгон тэмдэглэх тогтоолыг танилцуулах үеэрээ дэвшүүлсэн юм. Зургадугаар сарын 21-ний өдрийг зуны туйл буюу бусад бүх өдрүүдээс хамгийн их нартай өдөр хэмээн сонгож байжээ. Нийтдээ 177 улсаас дэмжлэг авсан нь НҮБ-аас гаргасан тогтоолын хамгийн олон хүн дэмжсэн тогтоол болсон юм. Ингээд дараа жил нь буюу 2015 оны зургадугаар сарын 21-нд  Ерөнхий сайд Моди болон бусад олон улсын төлөөлөгчид нийлсэн  36,000 гаруй хүн Шинэ Дели хотод 35 минутын турш иогийн дасгал  хийснээр  олон улсын иогийн анхны өдөр албан ёсоор бий болжээ.

Иог нь анх 5000 жилийн өмнө Энэтхэг Улсад  үүссэн эртний дасгал билээ. Иог нь оюун ухаан, бие, сэтгэлийг хооронд нь холбох, тайвшруулах дасгалд тооцогддог. Барууны орнуудад энэ дасгал нь түгээмэл болж, биеийн ерөнхий байдлыг хангах, биеийн гэмтэл, архаг өвдөлтийг намдаахад тусалдаг гэж үздэг.

“Иог бол шашин биш. Энэ бол сайн сайхан байдлын шинжлэх ухаан, залуу нас, бие, оюун ухаан, сүнсийг нэгтгэх шинжлэх ухаан юм." - Амит Рэй

Иогийн талаар сонирхолтой баримтууд

• "Иога" гэдэг үг нь санскрит хэлнээс гаралтай бөгөөд шууд утгаараа "нэгдэл" гэсэн утгатай.
• Иогоор хичээллэгсдийн 72% нь эмэгтэйчүүд байдаг.
• Иог100 гаруй хэв маягтай.
• Инстаграм дээр нэг тэрбум орчим иогтой холбоотой нийтлэл байна.
• Иогоор хичээллэх нь хөгшрөлтийг удаашруулдаг болохыг судалгаагаар тогтоожээ.
• АНУ-д иогийн багш болох нь түгээмэл болжээ.
• Анхны иогийн дэвсгэрийг 1982 онд Анжела Фермер иог зааж байхдаа хивсний дэвсгэр ашиглан наалдамхай гадаргуутай болгож бүтээжээ.
• Иог таны биеийн бүх булчинг ажиллуулж чадна.
• Сэтгэл түгшсэн хүмүүс иогоор хичээллэх нь илүү үр дүн ашиг тустай.
• Иог нь нурууны өвчнөөр өвчнийг анагаахад тусалдаг.
• Чихрийн шижин өвчтэй хүмүүс иогоор тогтмол хичээллэх хэрэгтэй.