Газын зурваст гал зогсоох хэлэлцээр идэвхтэй үргэлжилж байгаа энэ үед АНУ-ын Ерөнхийлөгч Дональд Трамп “Дайн дууслаа” гэж мэдээллээ. Тодруулбал, “Газын дайныг дуусгах” санаачилгаар Египетийн Шарм-эль-Шейх хотод зохион байгуулагдах дэлхийн удирдагчдын дээд хэмжээний уулзалтад оролцохоор Вашингтоноос хөдлөөд буй Дональд Трамп “Газын дайн дууслаа. Хоёр тал удахүй хоригдлуудаа суллана. Бүс нутгийг ч удахгүй сэргээн засаж, эргээд хэвийн болно гэж бодож байна” гэсэн байна.

АНУ-ын төрийн тэргүүний мэдэгдэлийн өмнөхөн Газын зурваст тусламжийн хоол хүнс, бараа хүрсэн талаар олон улсын хэвлэлүүд мэдээлээд байсан. Тэгвэл одоогийн байдлаар хоёр тал хоригдлуудаа суллах мэдээтэй холбогдуулан израилчууд нийслэл Иерусалим хотын төвд цуглан хүлээж байгаа бөгөөд дайны хоригдлуудын үд дунд(Улаанбаатарын цагаар 17:00 цаг)-аас өмнө суллах юм байна. Мөн “CNN” агентлагийн мэдээлснээр “ХАМАС” бүлэглэл 48 барьцааны хүн суллах бол Израилын тал дайны хоригдол болсон Палестины 250 орчим иргэнийг суллах төлөвлөгөөтэй байгаа аж.