Бүгд Найрамдах Мадагаскар Улсын нийслэл Антананариву хотод иргэд төрийн тэргүүнээ огцрохыг шаардан гурван сар гаруй эсэргүүцлийн жагсаал хийж байгаа. Тэгвэл жагсаалын гол дүр болоод байсан Мадагаскарын Ерөнхийлөгч Эндри Ражоелина “сураггүй” болсон талаар олон улсын хэвлэлүүд мэдээлж байна. Тодруулбал, өдгөө 51 настай төрийн тэргүүн өчигдөр “Фэйсбүүк” хуудастаа шууд дамжуулалт хийн “Хэсэг цэргийн алба хаагч, улстөрчид намайг алахаар төлөвлөж байна. Миний аминд халдаж, төрийн эргэлт хийх гэж байна” гэж мэдэгдсэн. Уг мэдээллээс хойш Ерөнхийлөгч Эндри Ражоелина сураггүй болсон талаар орон нутгийн хэвлэлүүд мэдээлээд байгаа. Харинжагсагчдын хэлж буйгаар Францын цэргийн онгоцонд сууж, эх орноосоо зугтсан бөгөөд одоо хаана байгаа талаарх ямар ч мэдээлэлгүй, огцрохыг шаардаж буй төрийн тэргүүн нь “сураггүй” болоод байгаа юм байна.

Ташрамд дурдахад, өдгөө 100 орчим хоног үргэлжилж буй Мадагаскарын жагсаал тус улсад ус, цахилгааны үнэ эрс өсөж, байнга тасалдаж байгаатай холбоотойгоор эхэлсэн бөгөөд өнгөрсөн есдүгээр сараас эрчээ авч, жагсагчид томоохон эрх мэдэлтнүүдэд огцрох шаардлага тавин эсэргүүцлийн жагсаалаа үргэлжлүүлж байгаа аж.