Дундговь аймгийн Онцгой комиссоос коронавирусний халдварын тархалтыг бууруулах зорилгоор зургадугаар сарын 10-ны 15:00 цагаас зургадугаар сарын 13-ны 06:00 хүртэл Сайнцагаан, Дэлгэрхангай, Сайхан-Овоо, Цагаандэлгэр, Өлзийт сумдад тэг зогсолт хийх шийдвэр гаргажээ. Энэ хугацаанд эрүүл мэндийн үйлчилгээ, эмийн худалдаанаас бусад бүх төрлийн худалдаа, үйлчилгээг зогсоохоор болсон байна.

Тус аймагт сүүлийн 24 цагт коронавирусний халдварын 54 тохиолдол батлагдаж, батлагдсан тохиолдлын тоо 166 болсон. Халдвар Дэлгэрхангай, Цагаандэлгэр, Сайнцагаан, Сайхан-Овоо, Өлзийт суманд бүртгэгдэж, Дэлгэрхангай, Сайнцагаан суманд тархалт их байгаа аж.