Японы мэргэжлийн сүмо бөхийн Аки башёгоос эхлэн шинээр хоёр Монгол сүмоч барилдахаар болжээ. Үүний нэг нь Очирсайхан 22 настай Исэгахама дэвжээний бөх. Тэрбээр 190 см өндөртэй. Биеийн жин нь 150 кг юм байна. Очирсайхан 2018 онд Япон Улсад очсон. Канагава мужийн Асахигаока сургуульд элсэж, 2021 онд төгссөн.Очирсайханыг мэргэжлийн шинжээчид эртнээс ажиглаж байгаа. Түүнийг ид шуугиулж яваа Аонишики Такэрүфүжи нарын амжилтыг давж асар богино хугацаанд цолтой бөх болно гэж таамаглаж байгаа гэнэ.

     Аки башёд  барилдах хоёр дахь Монгол сүмоч бол Отгонбат. Тэрбээр 21 настай.  Таманои дэвжээний бөх юм. Түүний биеийн өндөр 197 см, биеийн жин 175 кг байгаа. 2019 оноос сүмо бөхөөр хичээллэж эхэлсэн.  Отгонбат Такасагo Ояката-г ихээхэн гайхшруулж, түүнийг Японд ирэхийг Такасаго Ояаката буюу Сэкиваке Асасэкирюү Б.Дашням урьжээ. Тэрбээр волейбол болон монгол бөхөөр хичээллэж байсан. Их сургуулийн аварга шалгаруулах тэмцээнд түрүүлсний дараа Таманои дэвжээнд элсэхээр болжээ.