Шатрын 2025 оны Монгол Улсын аварга шалгаруулах эрэгтэйчүүдийн 63 дахь, эмэгтэйчүүдийн 55 дахь удаагийн тэмцээн Монгол Улсын Ерөнхий сайдын ивээл дор Баянхонгор аймагт есдүгээр сарын 3-15-ны өдрүүдэд зохион байгуулагдаж байна. Монгол Улсын шилдэг 12 шатарчид эрэгтэй, эмэгтэй ангилалд тойргийн системээр тоглон аваргуудаа тодруулах юм.

     УАШТ-ний эрэгтэй, эмэгтэй ангиллын эхний дөрвөн байрт шалгарсан шилдэг шатарчид ирэх 2025-2026 оны Үндэсний шигшээ багийн гишүүнд нэр дэвших эрхтэй болно. Мөн 2025 оны дэлхийн шатрын олимпиадад эх орноо төлөөлөн оролцоно. УАШТ-ний шигшээ тэмцээний дараа есдүгээр сарын 17-22-ны өдрүүдэд Баянхонгор аймагт зохион байгуулагдах Монгол Улсын бүх ард түмний спартикиадад тамирчид маань үргэлжлүүлэн өрсөлдөх юм.